就嚟到聖誕，好多球隊都開聖誕派對，德甲嘅拜仁慕尼黑亦都唔例外，不過，相對於好多英超球會嘅有主題聖誕P，同埋球員會扮鬼扮馬，拜仁呢個聖誕P就正經得多，個個球員都同老婆或者女朋友，着到靚一靚咁赴會；正如拜仁總監漢尼斯話齋，呢個聖誕P就主要係同家人團聚食番餐好嘅，所以後衞雲貝頓同另一半仲帶埋佢哋嘅5個月大囡囡露安娜一齊出席。派對中最high嘅，係剛同球隊續約嘅中場舒韋恩史迪加，而後衞拿姆見小豬咁風騷就潤佢：「你梗係飲得杯落啦！」