王菲將於明年3月4至6日在香港亞洲博覽館舉行三場個唱，昨日信用卡優先訂票，反應頗熱烈。
「係有人聯絡過」
阿菲經理人陳家瑛表示：「好多謝大家咁支持阿菲，佢今次啲飛喺11月中內部認購已經爆晒棚，家電話響都唔想聽，驚啲朋友打嚟落飛，我諗正式開賣時，我哋都要派人出去排隊搶飛返嚟。」
有傳有內地財團以八位數字欲包兩場阿菲香港個唱，陳家瑛說：「係有人聯絡過，但我哋拒絕咗，因為阿菲係想返嚟見支持佢嘅歌迷，俾人包場會失去意義。」
至於會否加場，陳家瑛謂要視乎阿菲意願，暫時未能決定。阿菲近日忙於與演唱會總監開會，下月台灣個唱曲目、舞台及造型都有所變動，而香港部份則至少有一半唱廣東歌。
撰文：丁寧