內地公佈嘅通脹率高過預期，加埋人行加存款準備金率。內地股市同港股卻不跌反升，而且內地股市升幅非常顯著，反映啲乜？就係短線嘅利淡消息已經盡出，家雖然仲係講緊物價高，預期通脹率已經見頂，而人行短期加息機會亦會大降。
恒指報收23317，下個阻力位喺23600，年結前港股可以睇好啲。油股升得幾有勢，相信可以維持反覆上升嘅格局。
中海油C輪26124：中海油（883）報收18.34元，升1.4%。股價維持9月至今嘅上升趨勢，呈一浪高於一浪，10日線重越20日線之後亦都向上發展，股價有機會突破19.50元向20.50元推進，可以諗吓隻C輪26124。
隻輪現價15.8仙，2011年4月27日到期，行使價18.38元，溢價8.8%，引伸波幅35.6%，槓桿率11.6倍（有效6.3倍），正股升上24.50元，26124睇29.6仙，升幅近9成，正股跌穿17.60元就沽咗隻輪。
俊樺