無綫嘅《超級巨聲》叫好叫座，仲捧紅咗林欣彤。唔知係咪見歌唱比賽節目成功，無綫就將《TVB全球華人新秀歌唱大賽2010》搞篩選賽，每集參賽者要鬥唱功，仲搵金剛同森美做主持。噚晚錄影第一集，G.E.M.做表演嘉賓，不過15位參賽者都冇揀佢啲歌，佢就即hardsell話：「我啲歌好好發揮，要乜類型都有。林欣彤唱我嘅歌仲攞冠軍，快啲唱我啲歌。」