歌都有得唱「睇波一家大細最興奮」，但「阿、曼」戰於周一凌晨4時開火，對於周二要返工返學的球迷來說，要大夥兒一齊睇一起嗌，確實有點難度。但說到兩軍近年的經典交鋒，U-Soccer曼聯網網主小碧坦言03/04球季的英足盃4強戰，史高斯一箭定江山氣走阿軍，繼而捧走該季唯一獎盃也令人着「魔」。
U-Soccer曼聯網今年成立10周年，網主小碧坦言難忘與志同道合的紅魔「粉絲」度過十個寒暑，然而每逢周中上演的夜波，也難以舉行睇波活動；好像今晚深夜對阿仙奴的榜首大戰，以致兩軍近年的對決也鮮有濟濟一堂觀戰。最近一次已數到08/09球季，曼聯主場賽和對手後，「收夠籌」提前一周封王，見證愛隊追平利物浦18次頂級聯賽冠軍紀錄。
雖然阿仙奴與曼聯的宿怨不及紅軍，但兵工廠於03/04球季不敗封王，紅魔當季仍能間接在其手上贏得足總盃冠軍，小碧表示難忘︰「記得當時英冠的米禾爾於另一場4強戰贏波，率先入決賽，所以我們（曼聯）對阿仙奴的4強，已當了決賽打；但曼聯當時積弱，搞睇波活動，都怕冇人參加，慶幸最終都有70幾人出席，史高斯奠定勝局，我們晉級決賽亦順利捧盃。」
本報記者