何韻詩噚日為首張國語專輯《無名．詩》搞簽唱會，佢仿效台灣歌手時興嘅簽名抱抱會方式，歌迷買三張唱片就可以合照，五張可以擁抱，排頭位的男歌迷就得到阿詩嘅擁抱。阿詩着咗件有兩塊鐵片喺胸前嘅外衣護胸，佢話：「呢件衫可以護到個胸，之前喺台灣都搞過一次呢類抱抱會，試過俾個女歌迷錫咗條頸一啖。」