國務院公佈嚴懲囤貨者及炒家，顯示中央壓抑通脹嘅決心，而上禮拜一直盛傳大幅加息半厘就冇發生，取而代之嘅係調高存款準備金率半個百分點。
上禮拜港股反覆偏軟，但幅度狹窄，就係因為市場觀望人行係咪會加息，家只係加存款準備金率，睇嚟中央對加息嘅負面影響仍有顧忌，而上日內地股市同港股尾段走勢明顯轉好，呢兩日港股應該可以造番好。
聯通C輪24229：聯通（762）上日報收10.96元，升0.3%。股價由9月底至上禮拜初一直受制於20日線，反覆向下，呢幾日終於出現突破，升上11元關前，突破呢個位之後，相信會推向11.80至12.20元，可以諗吓隻C輪24229。
隻輪現價9.4仙，2011年8月26日到期，行使價11.88元，溢價17%，引伸波幅36.6%，槓桿率11.7倍（有效5.2倍），正股升上12.20元，24229睇16仙，正股跌穿10.50元就沽咗隻輪。
俊樺