劉德華下周將在紅館開騷，今次他親自為個唱設計logo，再推出近30款的紀念品，他更教男fans送頸鏈冧女友。華仔又謂每次開騷隨時得失訂票朋友，他自爆現每場有10張貴賓門票在手，各位撲不到飛的好友不妨找他碰運氣。
合共20場的「劉德華Unforgettable演唱會」於下星期一（20號）開鑼，連日來華仔跟舞蹈員進入最後綵排，又跟樂隊練歌，狀態越戰越勇，名副其實的「牛華」。對於個唱掀起搶購潮，華仔感謝好友fans支持，他笑說：「其實每次開演唱會最易得失朋友，因為怕幫人訂唔到飛，所以一切由公司去搞，其實我真係唔介意朋友坐乜位，只要入場我都已經好開心。」華仔自揭每場將有10張貴賓門票，若仍未有門票在手的人不妨向他埋身碰運氣。
親自設計logo
由於今次演唱會是紀念華仔入行30周年，個唱上會推出近30款紀念品，華仔更親自設計logo，fans可選購心頭好珍藏。今次個唱logo是由羅馬數字「XXX」所組成，即是數字「30」的意思，當中也有華仔英文名及姓氏即「A」及「L」包含其中，還有iPhone套。華仔給了不少設計意見，他說：「咁多年嚟我哋發現blingbling嘅產品係最好賣，所以今年都有唔少，我自己就特別鍾意blingbling手錶，限量o架，真係手快有手慢冇。」
情侶鏈最sweet
另外，香港站也有獨家紀念品，就是卡片套和百達通套，這款產品其他地方將不會推出，華仔說：「因為演唱會咁啱喺聖誕同跨年，我估有唔少情侶一齊睇，咁我哋又有頸鏈，男仔送畀女仔夠晒sweet。」除了男女合用產品外，華仔又出化妝袋給女fans用，T恤上男fans又可以DIY熨上圖案。華仔亦親自設計工作人員的制服和風褸，全部以黑色為主。
採訪：葉雪
