【本報訊】今年頭8個月平均每日發生四宗非禮案，比去年同期多近兩成。色狼越來越多，當中更可能有男有女。飲食文化界名人劉健威最近便慘遭女色狼非禮，案發地點更是名人富豪聚腳地、中環陸羽茶室鄰近的唐樓，事件在上流社會引起議論。劉健威形容該女色狼年約50歲，中等身材，衣着普通，是早有預謀地伸出「鹹豬手」。 記者：林浚川
劉健威上周在報章專欄透露，中環有女色狼出沒。由於事發地點距離著名的陸羽茶室不足50米，旋即引起上流社會議論紛紛。劉健威昨日引領記者去到士丹利街32號一幢唐樓，講述其「遇害」經過。他說：「當日下晝兩點零鐘，就係呢度見到個50幾歲女人，佢同我講好耐冇見，又問我最近點，叫我得閒過嚟食飯。」
放蕩言行 極之荒淫
本身經營私房菜的劉健威，雖然對該女子毫無印象，但擔心是行家或食客，只好裝作認識。「個女人跟住又話啱啱搬咗嚟呢度，然後就拉住我上去睇吓。上到樓梯口，佢望住我個肚腩話：『你個肚腩大咗喎。不過唔緊要，男人最緊要嗰度大』。」
劉健威還未意識到弦外之音，女色狼已伸出鹹豬手直取其敏感部位。他說：「佢隻手跟住就伸向我下體。我立刻格開佢，佢仲話：『等我過吓手癮，等我過吓手癮』。」女色狼隨後又改變策略：「佢乘機捉住我隻手話我個度都幾大o架。就想將我隻手壓去佢個胸度，我即刻縮番隻手。」雙方經過一輪擋格，女色狼最終知難而退。
事發經過不足3分鐘，劉健威定過神來，才意識到被非禮，他相信並非流鶯拉客：「佢由始至終都冇提過要錢，加上佢咁嘅年紀，都已經過晒做妓女嘅年齡。」劉健威又估計，女色狼犯案動機可能出於性需要，他說：「喺樓梯都冇可能做得出啲乜，可能正如佢所講，佢好想過吓手癮啩。」
記者向士丹利街多間商店查詢，職員都表示對女色狼出沒聞所未聞。
男女平等 應即報警
公民黨立法會議員兼中西區區議員陳淑莊對事件感到震驚，表示：「呢啲情況一定要講男女平等，男受害都應該出聲保護自己。」身兼大律師的她又指，事件不單只是風化案，也可能構成普通襲擊罪，呼籲受害人報警。
根據統計處數字顯示，女性干犯非禮罪行並不罕見，更有上升趨勢，由05年10宗，增至09年19宗。俗稱非禮罪的《猥褻侵犯罪》沒有性別區分，因此男女均可被控告，只要女方是故意侵犯男方，犯案時的行為屬猥褻性，而又未得男方允許，便可能會被檢控。律師黃國桐指，一般情況下侵犯者與受害人有身體接觸，「例如該女士蓄意觸摸男士性器官，而男方又唔同意佢咁做，便很大機會定罪。」非禮罪的最高刑罰是判監10年。