食典：買食譜送鹿尾羓　賺二百

一年一度的工展會又開鑼，美食區老例擠滿食客，怕了人龍驚逼餐飽？不用怕，溫定書做定功課才重點出擊，$1大優惠年年有，今年最正是黑糖生磨杏汁燕窩豆腐花；買食譜仲送鹿尾羓，妹仔大過主人婆，超值！

記者：林佩婷
攝影：黃子偉
Model：露比、Edmond

恆興行　$1燕窩豆腐花

「恆興行」推出一系列標榜營養高和天然無添加的食材，最矚目是$1價錢吃到由老闆娘Macy親手煮的黑糖生磨杏汁燕窩豆腐花，單是印尼燕窩就足一湯匙，無論燕窩、豆腐花和杏汁都由她親手製作，最後把天然沖繩黑糖製成的糖水淋在豆腐花上，味道好，滋陰補肺夠天然健康，開幕當天外，12月18日至24日發售，每日限賣150碗。
另外，新推出的三菇鹿尾羓湯包亦值得捧場，三菇即姬松茸、茶樹菇和猴頭菇，可增強免疫力。着數源源不絕，用$100優惠價購買原價$128的《家嫂廚房Mom'sKitchen》，即送一條六錢重的新西蘭鹿尾羓（市值$180），計計吓剩賺$208呀！

■黑糖生磨杏汁燕窩豆腐花$1（原價$98）

（攤位：6C07/參茸海味．湯料區）

東方紅　首創即食海味

「東方紅」推出即食海味系列，乾鮑、花膠、鹿筋等十多款食材統統變成熟食包裝，不含防腐劑。必試滋潤養顏的海皇魚唇松耳絲、養肝明目的溏心乾鮑和強壯筋骨的紅酒燴鹿筋等，可即開即食。優惠貨品當然少不得，即日至12月17日期間，有$1御品雞精和$9一支即食冰糖燕窩供應，行到攰可即時補一補。

■即食溏心乾鮑$278（8-9隻）

■東方紅御品雞精$1（原價$28日限200支）、即食冰糖燕窩每樽$9（原價$29日限2,000支）

（攤位：2B42-49/香港名牌廣場）

蛋撻王　買一送半打

「蛋撻王」新推出港式SO脆可可焦糖撻，比利時朱古力磚混合酥皮，蛋漿加秘製焦糖味道濃郁，即日起至12月17日惠顧一個，送半打招牌蛋撻禮券一張。意想不到是除蛋撻外，還有中日Fusion冰鎮鮮鮑，大連鮑魚熬足十二小時才冰鎮，入味彈牙。瑤柱花膠海參翅內餡豐富，素翅滋味，簡直是碗仔翅升呢版。

■瑤柱花膠海參翅每客$25

■冰鎮鮮鮑兩隻$100

（攤位：6C17-21/美食廣場）

農圃飯店　即食四折四頭鮑

高貴食府「農圃飯店」以「賣大包」為口號，推出多款小食和湯水即場熱賣，想飽肚的話，必試三十元一隻的古法糯米雞翼，燕窩流沙壽桃和鮮拆粉小籠包各$10，也是飽肚之選。講重頭戲，有原價$688一隻的墨西哥四頭鮮鮑，即場四折價錢，即買即食，每一啖都鮮甜無比，最後喝一碗杏汁花膠豬肺湯，好滋潤。

■古法糯米雞翼$30（原價$45）

■杏汁花膠豬肺湯每碗$28（原價$40）

（攤位：6C30-31/美食廣場）

鴻星　首推世界一蘋果

「鴻星」今年有近廿款熟食讓大家選擇，最吸引是蟹粉鍋貼，生拆蟹粉已經夠惹味，加越南網紙在現場即叫即煎，用鎮江醋作汁醬，入口熱辣辣，另外還有XO醬蘿蔔糕、生炒糯米飯、辣酒煮花螺等，夠晒暖胃。愛吃水果的你，別錯過由日本運港的青森縣世界一蘋果，體積大有濃濃蘋果香，從不上蠟健康自然，攤位還出售即食海味禮盒及賀年禮券等，順道可以預早辦年貨。

■蟹粉鍋貼兩隻$25

■日本青森縣世界一蘋果
兩個$120

（攤位：6C22-25/美食廣場）

澳至尊　半價澳洲天然蜜糖

還以為美食只集中在美食廣場，行到「美容．保健區」，竟找到獨家發售的澳洲天然Superbee蜜糖。推介麥蘆卡蜜糖20+，含礦物質和大量維生素，對皮膚和腸胃有益；澳洲原塊蜂巢蜜，用天然蜜蜂巢不經加工，比一般蜂蜜味道更濃郁；至於蜂膠蜜糖潤喉糖，用純天然蜂膠和蜂蜜製成，比一般的喉糖更滋潤。

（攤位：4C54-5558-59/美容‧保健區）