一眾候選歌手昨日出席商台記者會，第二年打入十強的鄧紫棋說：「上年我入到五強，好開心。不過最喜愛獎應該唔係，我係樂壇smallpotato，我心目中覺得應該係鄭秀文（Sammi）攞。」復出樂壇的Sammi，其助手則在Facebook留言叫fans踴躍投票，爭獎心態表現積極，事實上年初以來到各地舉行演唱會的Sammi，一直努力工作，曝光率高，看來大有機會在頒獎台上分一杯羮。
祖兒為獎賭命
大會又安排歌手互相鼓勵，何韻詩剛巧抽出跟她傳斷背情的容祖兒，但祖兒上台尷尬彈開，更向阿詩說：「你做乜着裙呀？」阿詩無奈駁嘴：「做乜咁嫌棄呀？」兩人合照後更即分開落台。有指祖兒的唱片公司為博在無綫攞獎，加碼廣告費至4,000萬，祖兒對此說：「我保證唔止4,000萬，我仲用我條命做賭注。今年我真係好努力做好演唱會，出到嚟成績係點，如果大家覺得好就歡迎畀個獎我，肯定可以話過4,000萬！」
此外，祖兒媽咪被傳媒影到與同性密友過從甚密，祖兒說：「朋友唔係男就係女，我哋識咗好耐，佢叫阿茵，唔係好似本書寫到個關係咁複雜懸疑。如果大家硬要將一啲咁守舊嘅標題安喺我哋身上，我唔介意，但點寫都唔好搞到屋企人。」她更主動澄清未有稱呼對方為「阿爸」，她指媽咪也是爸爸，一人兼兩職。
採訪：王連連
攝影：仇志德
