時尚網靚女帶路淘寶　$140原裝套RayBan

大多數人對哥本哈根還不是太熟悉，還介紹當地fleamarket給大家，像是急進了點。我一點兒也不覺得，反而是一條捷徑更能觸摸它的面貌特性。它那type是更整潔更踏實像穩重男，與行慣巴黎的那種像灑男的，着實有點偏差。

記者、攝影︰吳美美
鳴謝︰卡塔爾航空、RadissonBluScandinaviaHotel、RadissonBluRoyalHotel

最逼人！　$58黑盒手袋

Letmeintroducesomebodyfirst，今次揸車陪我周圍搵fleamarket的這位靚女叫Aram，做嘢兼嫁過嚟哥本哈根已幾年，現時是Taggingfashion網站的主理人。
第一站，是最逼人最熱鬧最貼近印象中的fleamarket，有如旺角花墟，可能尋寶感更重，我和Aram買得更順手。幾乎每個檔口後面都有架類似貨櫃車物體，好似要將成個屋企運過嚟賣，又會有前舖後居情況出現，前面阿爸阿媽擺檔，仔女後面有書枱畫畫玩公仔，個feel好正。見到最過癮係賣衫，將一條條繩綁喺樹幹當衣架，一係直頭掛喺樹枝上面，簡直與大自然融為一身（但都好似幾傷樹喎！）呢度我最開心買到RayBansignet款，只係驚人的140蚊，仲有原裝套，救命！喺隔籬檔又買了黑色長身手提盒，我諗住當手袋用，愛時裝的Aram買得一件灰色閃片及膝裙，好有民族feel，還有煙斗亦是hotitem，她就在想如何將之變為headdress！佢話呢度會有當地名人過嚟擺檔，但互相唔會指指點點，或合照，根本fleamarket擺檔並不是你等錢使，而係將舊有東西不浪費地轉讓，擺檔思想完全唔同。

■灰色閃片及膝裙約$290

■細路絕對唔嫌棄舊玩具。

■阿伯着得咁「行」嚟買咩先？

■Aram諗緊點樣將呢個煙斗變為頭飾。

我的戰利品

■RayBansignet款黑超，盛惠約$140，又喺我手上。

■呢個黑盒已經喺我手上，價值約$58。

■呢度唔買極強懷舊feel的首飾盒真係對唔住自己。約$145

a.位置︰Lynbystation附近停車場

小規模！　$73小鹿戒指

最小規模要算這個market，但位於河邊、教堂的風景亦最靚，位置又方便，很多遊客之前都不知道有market在此，但行吓行吓看到就加入成為尋寶一分子，所以遊客的比例最多，相信係咁，擺賣的貨品都較大路，銀器、杯碟、畫類較多，可能不憂生意吧，老闆們的樣子都很悠閒，坐在樹蔭下，互相吹水，你點搞點影都唔會理你，黑面？唔會囉！我和Aram買得落手的確實唔多，但都買了一幅藍框黑超同小鹿戒指一隻，嘻嘻，唔多啦！

■呢個戒指盒似足以前貴族出品。約$478.5

■藍框紅邊漸變鏡黑超。約$58

■幾cute的小鹿形戒指。約$72.5

■Jenny去過好多地方旅行，都到訪過香港、上海，呢度「小販」都好有錢。

b.位置︰GammelStrand40,1202Copenhagen

室內場！　$781Vintage花椅

這是唯一要收費的fleamarket，盛惠10克朗（約$13.8），點解咁大膽要收錢呢？因為只有佢位於室內，毋須怕日曬雨淋或怪風吹襲。這裏大約營業了12年，是舊有大貨倉變身而成，但間隔很得意，先是走廊兩側有幾個房間，由不同老闆經營（其實他們自己外頭都有舖頭，只是逢星期六就會運來自認特別的貨品來賣）。這裏賣的都是舊式家具家品，五金都有，雖不是甚麼特別東西，但行的過程好得意，就像在人家的大宅左穿右插，而每到一間房貨品種類就有差別，經過較窄的通道，就到了market中央，樓高範圍闊，仍然以家陣港人最興的vintage傢俬最多，而且平又整齊，兩張皮木椅才約$400，香港專買賣舊傢俬buyer，呢度將會係你嘅新場。
最入的房間，還有小小的cafe俾你尋寶後唞唞，呢點似shoppingmall多過fleamarket呢！