今個禮拜三為29歲生日嘅俄羅斯前鋒柏夫里約真高（圖），上周五預先收到份生日禮物。因已出線歐聯16強嘅英超熱刺，已決定與佢續約。呢份合約對於加盟熱刺兩季嘅柏夫里約真高真係一份肯定，因為當初佢唔太適應英超踢法，球會仲有意將佢出售，好彩佢之後越踢越好，今季已入咗8球，今次獲續約總算係最佳回報吧！