如果有人畀人搶劫，打到豬頭炳咁款，成為報紙新聞之外，還變成廣告英雄，你會唔會覺得奇怪？
FormulaOne主席艾利斯通（BernieEcclestone）示範給全世界知道，將你以為不可能變成可能，可惜這一切與Adidas的impossibleisnothing系列無關。
究竟艾利斯通發生了甚麼事情，由被劫的受害人變成廣告英雄？話說上個月他在倫敦被4個劫匪搶走了他身上共值20萬英鎊（約250萬港元）的手錶及珠寶，廣告商立刻想到用他右眼被打到瘀腫，十足十熊貓眼，頭髮凌亂，懵口懵面，與我們常見的亮麗廣告照片，完全相反的一張相做廣告。
大家可猜到何種產品會打他主意？答案係手錶品牌Hublot，廣告口號係「SeewhatpeoplewilldoforaHublot」，要譯成廣東話，大可以係「你睇啲人為咗隻手錶，乜都敢死！」艾利斯通張熊貓眼相加埋呢句口號就係放喺《金融時報》的硬照廣告。
究竟呢個廣告想表達啲乜？根據手錶公司發言人的說法，係「要譴責任何形式的暴力及種族歧視。」而且展示到艾利斯通的勇氣和英式幽默。
Nike為兩金蛋「化妝」
以真人現身說法的廣告，今年就有兩個，「老虎」活士同「大帝」勒邦占士，一個衰女人，一個衰反骨；兩個都由人氣高企的頂峯滑落到谷底。無獨有偶，重金禮聘他們做代言人的廣告商Nike，為了保住這兩隻會生金蛋的鵝，惟有施展塗脂抹粉掩眼法，以近乎懺悔式自白的形象工程，拯救兩人於水深火熱，成果如何，只有Nike才知曉。
所以這些廣告的形成在於利益和市場考慮，Hublot敢，艾利斯通肯，未必能促成這個充滿幽默感的廣告；最難得的是Hublot剛巧是F1的廣告贊助，兩人的密切關係應該才是正式的理由，家陣搞到我都好奇，艾利斯通被劫當日戴上的是否Hublot的出品？
文：盧覓雪