鯨魚贏咗今季日聯冠軍後，似乎並冇停落嚟，希望喺下季同埋獎金豐富嘅亞冠盃有好成績，所以亦急急補強，早前已私下同三箭中堅槙野智章、心跳中場藤本淳吾密斟，而佢哋亦決定簽入福岡大學嘅小將永井謙佑（圖）。永井就係早前日本攞亞運金牌功臣，亦係神射手，鯨魚早早已對佢有興趣，今次趁永井未紅得晒快快入手，免得走寶。