呢排終於畀我feel到啲寒意，又係打邊爐嘅時候，不過我人窮，冇錢去「魚頭」、「盜香」，但又要過乾癮，惟有食快餐，不過就領晒嘢。
所謂人窮志短，喺周身冇蚊嘅情況下，快餐都係平民飯堂；不過上個禮拜去「黑心」打邊爐，一睇，嘩！一煲成5兜嘢，仲冇特價時段，但堅肚餓都冇法，畀錢啦！一睇有咩料，哈，肥牛得嗰3片，真係多謝施捨，再睇有咩其他好嘢，答案就係冇好嘢，最後都食得飽喎，點解？因為呢個煲跟好多菜，食菜食飽。之前仲食過ABC賣廣告嗰間，沙煲沙煲來襲喇，不過都係搵笨。
冇銀用又想食好啲，買場波囉。今個week睇好對馬拉加嘅靴高斯，主場連勝，查斯古特又場場入波咁滯，食硬o架喇，中咗就食餐好，唔中就返屋企食蕉。
守丹
心水：靴高斯勝
近5場戰績：LWWLL
心得：查古主場惡晒。