肥媽瑪利亞噚日去咗灣仔出席風水展，佢話自己滿天神佛，乜都信！肥媽話佢老公下年會有創舉：「佢會揸車由澳門去葡萄牙，8架車、16人車隊，我哋會沿途將啲相用衞星傳返香港。」肥媽話以前葡國人去澳門要坐船，今次佢哋行陸路，經中國、俄羅斯、再去歐洲，估計行40至50日，肥媽仲話自己會中途加入，幫手揸車㖭。