28歲嘅意大利前鋒卡斯辛奴（圖）真係禍不單行，10月底因為同球會森多利亞會長加朗尼發生衝突，搞到畀球會無限期停賽，仲要向意甲申請解除合約，之後又落選咗意大利國家隊名單。之但係咁都未算係最衰，皆因意大利媒體選出年度意甲聯最差表現球員的「金草莓」獎，卡斯辛奴又要入選，真係衰開有條路啦！