鮮有一同接受專訪的葉童及老公陳國熹，一向識飲識食，日前二人還破天荒應酒店邀請試菜，享受美酒佳餚之餘，大晒恩愛，分享飲食體驗。其間葉童還大爆老公陳國熹原來是一家之「煮」。
葉童和老公陳國熹除專注電影製作，其餘時間都會四圍去搵好嘢食，兩人日前到一間酒店試近年新興的半自助餐。半自助餐提供前菜、主菜及甜品選擇，每星期更新口味，配合基本自助菜式，千變萬化。
該酒店的假日BubblesBrunch，提供無限量飲用的VeuveClicquotPonsardin香檳，葉童指紅酒、香檳是他們享用西餐的必然選擇，葉童說：「有時喺法國食飯，當地嘅飲用水比起紅酒仲要貴，咁當然係選擇紅酒、香檳啦。」陳國熹的最愛，就是以三分一橙汁溝三分二香檳飲用，他說：「歐洲最流行呢種飲法，飲落清醇、開胃，呢隻香檳好配合，一飲4、5杯就停唔到。」
分真假生蠔
愛食蠔的葉童吃過數隻生蠔後，甚為滿足，身旁的老公陳國熹教大家注意新鮮生蠔也有分真假，他說：「我曾經喺香港食過一間酒店嘅生蠔，蠔肉同蠔殼竟然係分離，如果蠔肉係後來俾人放喺殼上，咁嗰類嘅乾淨程度真係好令人懷疑。」
雖然葉童識飲識食，原來她對煮食一竅不通，笑指兩人放假在家鬥耐性，誰按捺不住便要被迫下廚煮食，她笑說：「打邊爐係我至愛，方便之餘，又可以邊食邊睇電視。」
老公無魚食
對於家中下廚煮特色菜，則留待識食的老公陳國熹主理，葉童說：「佢煮嘢食好叻，最鍾意去City'super買嘢，賣扒嘅員工都知道佢要乜嘢。」葉童指老公最清楚她的口味，她說：「佢知道我唔食魚，所以喺屋企煮飯，一定唔會見到魚，咁多年佢已經俾我影響埋，同我食飯，佢都冇魚食。」陳國熹說：「葉童最鍾意食貝殼類海鮮，出街同喺屋企都係佢嘅飛弗。」酒店安排了魚骨煲海鮮湯，配Tequila浸蠔仔，讓兩人品嚐，自認從不吃魚的葉童也讚不絕口。
採訪：張俊銘
攝影：陳順禎
場地：香港太子酒店LobbyLounge