各路英雄在草叢間比武，花旦小生在桉樹下談情……南生圍一草一木都是港劇佈景，觀眾都似曾相識。無綫劇集監製李添勝30年來在南生圍取景無數次，近年元朗狂起高樓，拍古裝戲經常「穿崩」，只能靠電腦抹走現代建築物。
現高樓處處 電腦執穿崩
演員麥長青和敖嘉年也曾在南生圍拍攝《義海豪情》打鬥場面。此劇監製李添勝說，港劇經常在南生圍取景，「觀眾一定熟到不得了」。他70年代到該處拍攝《民間傳奇》，明渠兩邊是樹林，「撐埋艇，可以扮河」。撇除燒樹事件，他讚嘆南生圍的一草一木十年如一日，但每次拍攝前到現場視察才安心，「香港周圍都係咁。上星期睇景，今日嚟拍，可能撻地無啦啦掘咗個窿」。
現時從南生圍眺望，遠處有很多新建住宅，是古裝劇大忌，「我後生去拍唔會穿崩，家大wideshot一定見到現代建築物，冇得就位。觀眾見唔到，係電腦抹咗。唔拍得複雜場面，大打戲殺到烏天暗地，鏡頭好難就位」。
李添勝最難忘南生圍的檸檬桉樹廊，是男女主角談情最佳場景，日後惟有用海灘代替，「拆鬼咗冇得去梗係有啲可惜，俾人買咗都冇佢符，惟有不斷妥協」。