荃灣東工業用地率先上馬轉作住宅用途，料對同區樓市起刺激作用，尤其是毗鄰的「楊屋道三寶」，爵悅庭、樂悠居及立坊，業界預期明年樓價可升一成。
美聯物業高級區域經理徐偉業表示，政府今年9月公佈荃灣東工業轉住建議後，區內住宅成交急彈五成，上述3盤3個月已勁升15%。以爵悅庭南爵軒627方呎單位為例，9月消息公佈前，造價最多僅270萬元，但近日同座低層D室，造價高達308萬元，升值14.1%。
長線投資者掃貨
徐偉業表示，有買家在9月政府公佈消息後，斥約800萬元掃入3伙，包括爵悅庭兩伙及立坊1伙作長線投資，因看好這區前景，即使現時有好價都不會賣。
徐偉業續稱，雖然上月政府出重招打壓樓市，但區內有一成業主都看好後市，寧封盤都不平賣，令盤源大減三成，成交放緩，但樓價僅輕微回落2至3%。荃灣東工業地轉住宅率先上馬，相信明年樓價可再升一成。