已屆66歲嘅前港督、牛津大學校監彭定康有新動向，英國傳媒報道佢對英國廣播公司（BBC）信託主席職位好有興趣，呢個職位任期四年，年薪約135萬港元，不過唔算係全職，因為每個月只要返工兩星期左右，係真正筍工。
2004年初已有消息指肥彭有機會接掌BBC，今次佢亦被視為熱門人選，然而對手都唔弱，係新力集團主席HowardStringer，優勢係有領導跨國企業經驗，而且同BBC現任秘書長MarkThompson係老友，所以呼聲好高。入圍應徵者出年1月底要進行面試，肥彭會唔會再次中空寶，好快就知道，過關者預計明年4月履新。