上網係香港人生活不能缺少嘅一部份，智能手機普及後，大家可以隨時隨地上網，帶起呢股熱潮嘅iPhone，就成為搜尋網站Google，2010年第二熱門搜尋關鍵字，排第三係同樣來自蘋果電腦嘅iPad。iPhone都係排第二，邊個敢認第一呢？原來係四年一度嘅「WorldCup」世界盃。Google話「WorldCup」搜尋率遠多於第二同第三位，顯示世盃熱潮銳不可當。至於香港人關心事物熱門搜尋榜，頭四位依次係颱風鮎魚、馬尼拉人質事件、六四、劉曉波，幾件都係大是大非事件，邊個夠膽話香港人唔關心時事呢？