久未在港出現的恬妞，今年初參演過港產片《翡翠明珠》和《前度》，估不到她保養得宜，皮光肉滑，最近更被廣告商睇中做代言人，廣告中恬妞穿上低胸短裙酥胸半露，身材絕不比時下o靚模輸蝕。揚言不退休的恬妞希望繼續拍港產片，還樂與前夫萬梓良合作。
年屆52歲的恬妞近年主力留在內地拍劇賺人仔，也會返台灣工作，不過今年初她曾演出港產片《前度》和《翡翠明珠》，扮演媽咪級角色。雖然已年過半百，但恬妞保養得宜，在鏡頭前依然皮光肉滑，絕對不比20多歲的少女遜色。雖然要經常飛來飛去，但恬妞狀態依然大勇，全因她有定時保養，不時做facial，她笑言要告訴天下：「我還未退休。」
「朋友以為我退休」
近日恬妞擔任射頻美容儀的代言人，廣告中她穿上低胸裙展露白滑肌膚，上圍更相當豐滿，她說：「近幾年我都喺北京、上海同台灣三地工作，知道香港好多朋友以為我退休，今次決定回歸香港，話畀大家知我仲喺度。」廣告商為請恬妞出山做代言人，特地千里迢迢兩次到北京游說，結果恬妞被誠意打動。
盼與萬梓良合作
既然狀態大勇，恬妞也突然戲癮大發，她更坦言有興趣和前夫萬梓良合作拍電影，她說：「我對港產片依然好有興趣，希望接拍更多，最好可以同周潤發、梁朝偉或者劉德華合作。至於萬梓良，我都希望可以同佢合作，如果有好劇本，我一定願意，因為佢係一個好出色嘅演員。」
採訪：葉雪