有長時間沒出碟的傅穎（Theresa），加盟新公司後終於推出新細碟，在形象上也作出突破，拋棄以往一貫日本妹造型，化身成「天使白鴿」和「惡魔烏鴉」。現實生活中，Theresa坦言自己一時是天使，一時是魔鬼，正邪難分。
傅穎加盟星皓後，經過秘密練兵，即將推出首張細碟《Ｍetamorphosis》，共收錄三首歌，分別是《加加夫人》、《黑房》及電影《唐吉可德》主題曲《無敵》。
「唔認得自己」
今次公司花費不少，為Theresa新碟推出黑、白兩個版本，形象上也有突破，Theresa擺脫以往日本少女look，全身造型以黑、白色為主，當中再配合黑、白色假髮，甚有野性魅力，性感騷在骨子裏。今次黑、白版本，白色代表天使白鴿，黑色代表惡魔烏鴉，其中惡魔烏鴉的Theresa除露背外，更加上黑羽毛，寓意振翅高飛。
對於今次黑白造型，Theresa表示滿意，她說：「今次係攝影師構思，因為每個人都有多面性格，日日身邊都有天使同惡魔陪伴，心情好係天使，心情差就惡魔，不過我會同惡魔抗衡多啲，絕對唔畀自己做錯事。」
化妝花六小時
Theresa蓄長髮多年，今次試戴假髮，她笑說：「睇完輯相有啲驚訝，因為認唔出自己，想話畀人知我唔止長髮少女，仲可以走型格路線，希望好似啲羽翼咁真正成長。」
為拍攝封套和內頁postcard，Theresa捱足一晚通宵，她說：「我由夜晚9點拍到第二日清晨7點幾，我同工作人員都捱眼瞓拍，不過有同事話我眼瞓時有一副迷樣，出嚟效果眼神好soft，仲笑我嘅表情有進步。」由於要為兩個版本拍封套，單是一個造型化妝需時三個鐘，結果合共花上六個鐘，製作相當認真。撰文：葉雪