隔牆有耳:年宵籌款 余若薇賣字畫 - 李八方

隔牆有耳:年宵籌款 余若薇賣字畫 - 李八方

公民黨余大狀發現腦內有瘤後,勤練書法減壓,明年1月底會再去維園公民黨年宵攤位為市民寫揮春,仲會義賣字畫幫公民黨籌款。
原來余大狀學習書法幾年後,想喺書法方面尋求變化,所以決心學畫插圖,主要畫花草雀仔,已有幾十幅存貨,預計可以有20至30幅拍賣,暫未定價。八方睇過余大狀作品,不過唔敢置評,有網友就讚佢書畫功力唔錯,聽聞余大狀獲鼓勵,開心到不得了。
幾年前學書法時,余大狀獲贈閑章「為民主此生不渝」,佢話現時多畫花草樹木,用呢個章稍為沉重,最近改用「天志海懷明月心」比較「輕鬆」嘅閑章,希望懷住悠然心境,可以令書法更上一層樓。