一直認為，香港地有唔少隱世的住家廚神，論廚藝，雖然未必及大師傅，但講創意，就一啲都唔簡單，睇睇鴻星集團首次舉辦的烹飪比賽，數十參賽者以臘味煮新意，經歷初賽及決賽兩輪激鬥，要突圍成為冠軍，除了要夠運，仲要靠桔！
記者：趙珮倩
攝影：梁細權
冠軍
孔佩如（I.T.人）
超過10年入廚經驗，平時旅遊愛跟隨當地廚師學習地道菜式，拿手炮製各式西餐、意大利粉。
亞軍
陳思敏（行政人員）
11歲就下廚煮番茄蛋，拿手菜有西檸雞、咕嚕肉、焗火雞。
季軍
曾瑾華（警察）
7歲就曉煎荷包蛋，平時鍾意自創菜式，拿手菜有紅酒燴牛尾。
香酥砂糖桔
00hr30min
製作難度：★★★★☆☆
份量：4人
陳皮和砂糖桔皆是廣東特產，味道與臘味勁夾，加入水牛芝士後即時由傳統變得Fusion，賣相和味道同樣超水準。
材料
砂糖桔1個、墨魚滑115克、臘肉80克、臘腸（切粒）1條、鴨膶腸1/2條、水牛芝士4片、陳皮（浸軟瀝乾）1片、麪包糠30克、蛋（拂勻）1隻、砂糖少許
做法
1.臘腸、臘肉、鴨膶腸切粒備用。砂糖桔去皮去核去衣，切粒，備用。
2.陳皮切絲，加入麪包糠、半份臘腸粒放進攪拌機打碎作脆粉用。
3.白鑊炒香所有的臘味料。
4.將適量臘味料和桔肉包入芝士。
5.將2湯匙墨魚滑壓平，釀入芝士球，包成球形後輕搓成桔形。
6.墨魚球蘸蛋漿，沾上脆粉，放入150℃滾油中，以細火炸2-3分鐘至金黃色，撈起瀝油，撒上砂糖即可。
周師傅品評：「砂糖桔、果皮和臘味好夾，水牛芝士又帶出微鹹，由外至內都充滿層次感。」
黃金球
00hr50min
製作難度：★★★☆☆
份量：4人
外脆內軟的炸飯球，以南瓜茸和臘腸製成餡料，吃時一定要蘸上桔油，令味道提升了不少。
材料
日本南瓜（切粒）250克、膶腸2條、臘腸1條、白米1米杯、雞蛋1隻、雞湯/桔油/麪包糠各適量
做法
1.將米洗淨，加入雞湯代替水煮飯成雞湯飯，攤凉備用。
2.南瓜放入已預熱至180℃焗爐，焗15分鐘後壓成茸。
3.膶腸及臘腸切粒，以白鑊炒香，加入南瓜茸拌勻。
4.取約兩湯匙雞湯飯壓平，放入適量南瓜餡，以保鮮紙包成球狀。
5.雞蛋拂勻，將飯球蘸上蛋漿，再撲上麪包糠，放入160℃滾油中，以中火炸至金黃色。吃時可以蘸上桔油即可。
周師傅品評：「看似平平無奇，但吃下有層次，南瓜茸有助中和臘腸肥膩，跟冠軍作品不相伯仲。」
冬臘花陽
01hr00min
製作難度：★★★★☆
份量：4人
一碟菜有齊三種口感和味道，建議先吃脆口炸雲吞，才吃尖椒和苦白菜。
材料
臘腸/鴨膶腸/芹菜（切幼粒）各4條、鵝膶腸2條、冬菇（切幼粒）5隻、苦白菜2棵、蝦膠400克、紅綠尖椒10隻、薄餅雜芝士250克、巴馬臣芝士65克、雲吞皮12片
做法
1.將臘腸、鴨膶腸、鵝膶腸切細粒，下白鑊炒香，分成3份備用。
2.將其中一份（1）加入芹菜和冬菇一同炒香放在苦白菜葉上。
3.另一份（1）加入蝦膠中拌勻；尖椒剪開呈V形，釀入蝦膠，以中火鑊煎約3至5分鐘至熟。
4.把餘下的（1）與薄餅雜芝士和巴馬臣芝士混合，包入雲吞皮內，放130℃油中炸至金黃色撈起。
周師傅品評：「將臘味創出三種完全不同的菜式，但工序比較多。」
評判之一
鴻星集團行政總廚周權忠師傅
