前組合Bliss成員Oscar噚日喺旺角嘅食店開張，好友周國賢、吳日言等到賀。為咗今次盤生意，Oscar專程到上海拜師學整小籠包，又搵朋友夾咗七位數嚟開舖。至於近日簽咗唱片公司嘅吳日言話再努力多幾年，等男友儲夠錢就嫁人，佢自爆早幾年因事業上感到迷茫搞到要睇精神科醫生，又亂向家人男友發脾氣，幸好一切都成為過去。