紐卡素肥佬班主艾殊利炒咗領隊曉頓後，班球員包括隊長路蘭都好震驚，聽講同曉頓感情好好嘅球隊首席射手安祖卡路爾，仲表態撐硬曉頓，計劃煽動班隊友同艾殊利搞對抗。另外，啱啱同阿積士分手嘅荷蘭教頭祖爾表明唔會教紐卡素，令前修咸頓領隊柏度（圖）成接棒大熱，賠率得番1.57倍㖭，並會於日內上任。