泛民成員噚日前後腳飛去奧斯陸準備出席諾貝爾和平獎頒獎禮，最新加入觀禮團嘅包括社民連主席陶君行同內務副主席吳文遠。
陶君行同八方講，早兩日先知有可能出席頒獎禮，但要去到當地先至最後確定能否入場。頒獎禮要着禮服，其他觀禮團員四出張羅，講到着衫，丐幫就簡單得多，好似阿陶主席咁，前日先匆匆去專做新人生意嘅金都商場，花幾百蚊租套結婚禮服，預備觀禮。
阿陶呢個MKLook，比起李卓人花逾4,000蚊造中山裝化算好多。社民連殺到挪威，據講頭號目標係當地中國大使館，阿陶話抵埗後會跟大隊「衝擊」大使館，要求釋放劉曉波。