每個女人都至少有一個死穴，普遍如手袋，偏門至絲襪，定義是任何可以令荷包及空間同時衰竭的身外物，「萬金油大王」胡文虎的孫女胡美三也有死穴──鞋子。她曾居於虎豹別墅，從前不開心時買鞋，開心時也買鞋，鞋子的數目多得數不清，生活是「要嗰樣有嗰樣」，閒來最愛搓麻雀。七年前她走入凡塵，服務香港貧民，改變孩子的生命，同時改變自己：「家會諗，買唔到鞋啫，『What'sthebigdeal？』」
「人哋用廿蚊食兩日」
虎豹別墅重開，曾居住過的胡美三（Marcia）沒有舊地重遊，只是留在電視前看《東張西望》，「同以前梗唔一樣，家得番間爛屋，邊係我哋細個住咁，我都冇返去睇，因為佢開放嗰啲日子都係呢度最忙嘅時候」。
胡美三是胡文虎三子胡好的女兒，年輕時住在虎豹別墅內，私人泳池、虎塔及十八層地獄，是她的家。女子愛購物，美三愛鞋子，問她：「你高峯時期有幾多對鞋呢？」她慘笑一聲：「唔好問啦，我自己都唔敢講呀！」
從她的笑，可以猜度她不只是「百足」，「以前見到對鞋鍾意，一定要買，買唔到唔開心，要訂做，或者打去第二間睇吓有冇，有就即刻送嚟；有時買唔到飛睇戲會，行過叉燒賣晒又，家每次唔開心，就會諗吓呢度嘅唔開心嘢，諗吓自己豐衣足食，就覺得『What'sthebigdeal?』就唔會唔開心」。
她口中很重要的「呢度」，是白田邨近山頂的一個小地方──成長希望基金會王統元（費愛麗）夫人中心。2003年，她因母親患病，由生活了20多年的溫哥華回港，被成長希望基金會聘任為行政總監，去年底成立服務中心，為單親、領綜援及低收入家庭提供補習班、課餘活動及獎學金，服務近千人。
千金小姐由虎豹別墅走進白田邨，她眨眨眼大笑，「直情可以話係CulturalShock呀，喺呢度上面會突然掟啲鉸剪呀、刀呀，無啦啦又會俾水淋，行過鍾意就成碗麪、一棵菜咁掟落嚟，總之唔要嘅嘢就掟落街」。
她又試過在旺角看到一包20多元的玩具，回中心打算向其他媽媽「炫耀」，「我諗住好抵啦，廿幾蚊有十幾樣玩嘢，諗住買畀個孫，我返嚟同啲媽咪分享，點知佢哋話廿蚊已經係佢哋兩日買餸錢，我即刻覺得好唔安樂，原來人哋會用呢廿蚊食兩日，平日我哋話去睇戲行街，諗都唔使諗，但原來有啲人坐車嘅錢都冇」。
她陸續的「大發現」包括：很多人沒有離開過白田邨、未曾到過山頂、沒有進過戲院，最特別的是，很多人跟她做朋友，「細個嘅時候喺虎豹別墅住，人哋對我好，我會有少少自卑感，會諗人哋對我好係咪因為我屋企呢？今次返嚟冇咗呢種自卑感，識咗好多新朋友，好多年輕嘅朋友」。
做義工幫助貧困家庭
這個中心提供的服務很非一般，提供獎學金供年輕人就讀喜歡的課程，資助他們學打鼓、學日文，感人故事說之不盡，胡美三像磁石一樣，吸金也吸人，中心義工隊規模之大超乎想像，與服務對象數目近乎一對一，而且個個熱心，安排記者訪問的公關，也是義工隊核心成員，「嗱，你後面教緊整teddybear嗰個，咪係我麻雀腳囉」。
「我覺得石硤尾、深水埗係一個forgottencity（被遺忘的城巿），好多人需要幫助，佢哋就係第日管我哋嘅人，我唔想佢哋第日揸刀仔、揸槍」。千金小姐最初不識民間疾苦，但原來走入凡塵，也可以慈悲，「阿爺細個拖我去派米、派棉胎，八月十五帶住我哋去做義工、派月餅，可能係呢樣嘢，令我覺得要幫啲有需要嘅人」。
記者 張嘉雯