最近內地傳媒報道有10萬億熱錢囤港，正伺機進軍內地，令香港財金官員急急出來澄清，曾特首日前出席一個論壇時，就趁機指出消息毫無根據，又指香港發展人民幣業務，前提是「保障國家的金融安全」，希望令中央釋慮。
冀製造復蘇假象
經過多日解畫，以及市場人士多番討論驗證，香港目前並未見有資金流異常的情況，應該可令中央稍為放心，不過今次亦反映香港作為國際金融中心，中央對其定位有所顧忌，擔心外資大鱷會利用香港作資金中轉站，意圖破壞內地金融秩序，講來講去，其實就係怕美國繼續行量化寬鬆下，熱錢會亂竄，影響中國民生經濟健康。
然而，QE2公佈不久，大市就見頂，投資者不禁問「水」在何方，筆者答唔到你熱錢幾時到，但這個其實不是重點，反而投資者應意識到美國正在轉換投資環境。之前美國一直壓低債息，希望利用低息環境刺激企業投資，最近QE2出台後債息不跌反升，似乎有點反常，不過士佳認為美國其實已將焦點轉至提高通脹預期，希望推高資產價格，製造復蘇假象，若然唔成功，自己陰謀論啲去睇，隨時會恢復坐盤交易，借投行之力推高資產，中國當然明白美國背後之動機，所以最近都落力嚴控通脹預期。
近日投資者驚內地隨時加息，加息雖可以壓通脹，但也誘使更多資金流入，換成人民幣收高息，因此，士佳認為加存款準備金的機會更大，而且出招太密，反而會黔驢技窮，令大家疑神疑鬼，更收到調控效果，相信股市只要不大升大跌，未必係上大人的顧慮所在。
昨南北韓形勢再趨緊張，及中國提前於周六公佈經濟數據，港股又跌過，這點士佳唔驚奇，會繼續先前策略，跌穿22755就沽期指，再分段吸納，但仍當22755係底部，唔跌穿就繼續持有手頭上倉位。
張士佳
寶來證券（香港）董事 投資服務部
mailto:[email protected]