係人都知，我係一個咖啡癡，癡情度拍得住陳豪，最近知道Starbucks出咗聖誕Special，二話不說即刻去試。好似佢個拖肥果仁鮮奶咖啡，用咗帶濃郁奶香嘅拖肥、特濃咖啡等做成，加埋拖肥粒，口感夠滑，的確唔錯！不過我最鍾意都係佢哋嘅小食，好似用竹籤串成嘅聖誕棒棒曲奇、超可愛嘅木頭蛋糕等，全部係聖誕期間發售，各位咖啡癡，記住唔好錯過！