無綫報天氣有黃婉曼，渣打報按揭有王祖藍！繼之前搞過按揭專車團隊後，渣打噚日再搞搞新意思，搵嚟拍檔開嘅王祖藍扮天氣先生（圖），拍咗條片放上網，幫大家報道按揭氣象。
話明係sell按揭，成條長達4分鐘嘅短片，梗係喪sell渣打按揭啦！祖藍除咗教晒大家成個申請按揭流程，仲預報未來按揭前景係「穩定」、「天晴」，抑或「陽光普照」。
最過癮嘅係，祖藍連無記個天氣先生公仔嗰句「呀……噢！」都學埋，淨係冇咗黃婉曼嗰句「我哋一齊嚟跳出香港」。成條片嘅搞笑度，絕對唔比《荃加福祿壽》差o架！至於點解冇咗呢句？會唔會係因為渣打淨係sell香港按揭生意，所以咪冇得跳出香港囉！