前阿仙奴鋼門施文（右）同威爾斯欖球好手希遜出名接波穩陣，玩到無嘢好玩，前幾日就喺溫布萊球場外面，挑戰接實由高空100米跌落嚟皮球嘅世績。佢哋戴住超厚手套，先接40同90米高嘅波做練習，最後一齊成功以105米打破世界紀錄。其實咁樣接波又難又危險，要判斷個波嘅落點，又要承受起碼20幾公斤嘅衝力，細路仔千祈唔好學。