中策（235）勇闖寶島買台灣南山人壽「撻Q」之後，唔經唔覺過咗3個月，當日因為信咗「馬柯配」（主席馬時亨同行政總裁柯清輝）而落注嘅小股東，條氣到家都未順番。鬼咩，單大茶飯「撻Q」之後，公司到家都仲未有新業務方向，而最令小股東光火嘅，係股價由高位$0.52劈落半闕之後，家完全冇起色！
咁眾矢之的嘅柯大俠有咩同小股東講呢？「估唔到喺台灣做M&A，政治因素係咁重要，所以真係要諗清楚先。」至於話中策日後點發展，「公司留意緊唔同嘅收購機會，唔一定係金融公司，收購size亦都唔使大，對股東有好嘅回報就得，但係發展新方向家仲好難講……」講得咁保守，柯大俠領過一次嘢之後學精咗喎！