人人都話揸車易識女仔，點知揸咗幾年，司機位隔籬仲係得個桔。今日終於醒覺，原來車廂佈局氣氛先最重要。臨近聖誕，一於佈置一個充滿氣氛嘅X'mas車廂，加埋香味同軟綿綿嘅感覺，用4D享受冧女仔。
記者：徐影龍
攝影：楊錦文
Model：Betrys、Don@GMEModels
花心思佈置添氣氛
行開黑布街，跟幾間出名汽車精品店Sales閒聊，不約而同都話近年唔再興推出應節飾品，皆因大費周章又唔用得耐，情形同你屋企人首次砌聖誕樹一樣，開心完第一年，下一年已無人再敢提起，簡單啲講即係唔好賣。
既然嫌麻煩，索性搵啲食到聖誕氣氛，又唔怕過氣嘅飾品。裝飾嘅嘢豐儉由人，由幾十蚊到過千蚊都有，今日精選呢一堆產品，包含閃令令、香噴噴，以及軟綿綿系列，由視覺、嗅覺到觸覺都享受到，要照顧埋聽覺，大可擺隻聖誕音樂光碟入CD機，有DVD機嘅，更可放隻睇10次眼紅10次嘅《真的戀愛了》，用人類四感全情投入晒聖誕氣氛裏面。天寒地凍，開住暖氣，兩口子坐喺車內數星星，浪漫到咁，至怕到時唔止得一個女仔跳上車。
耀眼視覺享受
佈置得宜，打開車門第一眼印象良好，已代表成功咗一半。以下幾款插電用品，唔算貴但各具特色，夜晚格外明亮，唔覺MK味之餘，仲幾好氣氛。想玩豪啲，大可配埋另外兩款Swarovski水晶配件，就算大白天都有閃眼效果。
好睇又實用
剔除某啲特別剛陽、怕俗氣嘅人士，大部份女仔面對粉紅之物，通常都難以抗拒，想討好另一半，千祈唔好偷懶或怕娘。以下產品唔會誇張得令你變乸型，而且全部都易裝易拆，大可按情況靈活配襯。
查詢：台日汽車精品（23924244）
a.閃爆電話座（$85）
b.Kitty香座（$85）
c.心形掛物?（$55）
d.Kitty安全帶套（$130）
e.蘋果味除臭盒（$35）
f.米奇PatPat咕（$128）
g.閃亮/毛毛紙巾盒（$88/一個）
h.漆皮安全帶扣（$98/一對）