朗尼前晚幫曼聯喺歐聯同華倫西亞搏命,佢太太高蓮(中)就同愛兒提早歡度聖誕節。高蓮喺媽媽同埋12歲妹妹露絲陪同之下,首次帶囝囝佳佳去一個商場參觀聖誕小屋。13個月大嘅佳佳表現得好開心,聖誕老人不斷同佢傾偈,仲送咗份聖誕禮物畀佢㖭。之後高蓮仲會帶埋佳佳去一間兒童醫院進行親善探訪,務求將歡樂帶畀啲病童。