李亞男、日本混血名模馬瑙（KateM.）、日本模特兒松岡李那（Linah）同埋與崔建邦傳過緋聞嘅俄羅斯名模MarinaV.噚日喺銅鑼灣齊齊以LadyGaGa嘅潮爆服飾行騷，李亞男一頭白髮狂野造型出現，但也敵不過KateM.嘅爆奶裝同埋Linah嘅透視胸搶鏡，KateM.件衫上面仲有一對手托住個胸，成個造型令人充滿遐想。
羨慕祖藍腳幼
Linah全程擺出挑逗表情，睇佢真係好識搶鏡，佢話套衫都幾性感，但係咪真胸上陣，就要大家想像一下喎！Linah話冇留意現場有好多男士，只係感覺到全身連埋個胸黐滿膠紙好辛苦，佢仲話：「頭先黐膠紙時，男女同一間房，不過我冇望其他人，所以唔覺尷尬。」KateM.係全場最sexy嗰個，佢話件衫托胸同埋汽水罐髮飾都好得意，問谷晒胸嘅佢唞唔唞到氣？佢好得戚咁話：「Ofcourse。」至於李亞男嘅男友王祖藍都扮過LadyTiger，李亞男話同男友各有各靚，仲好羨慕男友手腳纖幼，扮得都幾靚女喎。