飽受摩貨事件困擾嘅「新界王」發叔，早前報名角逐連任老巢龍鼓灘鄉事會村代表，共有四個人爭兩個位。外人以為發叔受到重大挑戰，鄉紳同八方講，其實發叔今次係同世交拍檔參選，其中一名候選人劉威平，同發叔淵源甚深。
劉威平父親劉昇奎，係上一輩屯門鄉紳，40年前帶發叔出道做鄉事會工作，可以話係發叔「師傅」。劉威平噚日同八方講，發叔70年當選屯門鄉事會主席時，「我都仲係o靚仔咋」，後來佢自己都做埋村代表。
發叔同劉威平拍住上，兩個80後原居民劉東海、劉國明出嚟挑戰，劉威平話歡迎後生仔參選，對輸贏佢唔放在心上。有指發叔明年未必能保住屯門鄉事會主席個位，劉威平咁講：「未到最後一刻都唔知結果！」