張繼聰噚日去新城宣傳新碟，講到佢日前喺音樂會走音，佢話：「其實嚴格嚟講唔係走音，係失聲。之後我即刻去睇中醫，中醫話我未至於病入膏肓，不過要食藥一段時間，仲要少啲講嘢。」講到聖誕節活動，張繼聰就話：「其實最忙係我個仔，個個都話要帶佢去街，不過我都會同佢睇燈飾同食聖誕大餐，點都會有童年回憶畀佢。」