互聯網時代,平面印刷必須極度精緻才能與螢光幕圖像抗衡,呢方面《蘋果日報》應該好有戰鬥力。被視為屬於印刷、出版同設計業年度盛事嘅第22屆香港印製大獎,前日頒發「報紙印刷組」冠軍畀《蘋果》,今次係連續第三年奪得呢個大獎,蘋果印刷嘅同事實至名歸。
呢個比賽由香港印藝學會、香港出版學會、貿發局、康文署等機構主辦,前日舉行頒獎禮,《蘋果》印刷總監方毅強表示,《蘋果》連續三年奪得這項大獎,乃《蘋果》仝人努力的成果。呢個比賽係全港唯一同類型嘅專業比賽,最初係排版設計比賽,之後擴大為印刷大賽。《蘋果》早喺96同98年攞過報紙印刷組冠軍,過去兩年連續得獎,今年再下一城成為三連冠,八方希望越印越精采,邁向四連霸。