【本報訊】三款新版「金牛」昨日正式面世，吸引市民早早到銀行門外排隊等候換領，有市民大讚新款鈔票設計夠特色，希望換齊一套作紀念。不過錢幣收藏家指近年本港鈔票因發行量極大，流通量極多，故全無炒賣價值。
三間發鈔銀行昨日開始推出俗稱金牛的新款1,000元鈔票，其中滙豐銀行的旺角和觀塘分行門外，都有人排隊等候換領新鈔。已屆退休之齡的胡伯，8時許便到觀塘裕民中心滙豐分行外排隊，成功換領多張新金牛，他說：「我想換到張有28呢啲好意頭數字，然後就留起佢做紀念。」胡伯又稱會嘗試換齊中銀和渣打新金牛。
收藏家指缺升值潛力
三款新1,000元鈔票各具特色，滙豐新鈔背面圖案是龍舟競渡，渣打是一枚古代銅錢，中銀則是維港景色。不過，收買佬錢幣郵票公司負責人王宜新表示，香港近數十年發行的各面值鈔票「通通炒唔起」，今次也不例外，他說：「今次又冇話特別紀念乜嘢日子，最主要唔係限量，全港幾百萬、幾千萬張，市面有咁多點會升值？」他指很多市民以為好意頭編號有得炒，實際上一樣「唔值錢」。