現年50歲的紅姑鍾楚紅，昨晚穿deepV黑裙在中環出席活動，被視為「性感Icon」的她，原來小時候抗拒被指性感，現時則開心接受。近期有指o靚模出席富豪飯局，紅姑自爆從未被富豪邀約，笑言屬瘀事，但希望女仔潔身自愛，才會受到尊重。
鍾楚紅、楊采妮、溫碧霞和丁子高等，昨晚在中環出席JimmyChoo與SwarovskiElements15周年紀念活動。紅姑穿上一件deepV的DonnaKaran晚裝現身，艷光不比同場後生女專美。
抗拒性感稱號
多年來紅姑被視為性感女神，原來她以往不受落，她說：「社會風氣唔同，家先慣咗人哋話我性感，以前細個啲，好抗拒咁講。」她謂覺得自己的眼最sexy，記者讚她電力十足？她說：「我冇電o架，可能演員會用眼演戲，會釋放啲訊息畀人。」有傳o靚模出席富豪飯局，問她當年拍戲有否試過？紅姑即說：「從來都冇!係咪好瘀呀？我冇呢啲嘢，不過都好好彩，我唔鍾意應酬，得罪人就大件事囉。」
紅姑謂希望女仔潔身自愛，才會受到尊重。她直認是為愛情放棄麪包的人，她說：「肯定係，我唔需要好多錢，我都唔易投入戀情。」曾嘆沒追求者的紅姑，坦言仍未找到令她再心動的人，但享受自己的時間及生活，她說：「有時行博物館、去郊外，咪會諗起，如果有另一個人一齊，咁咪好囉。」
紅姑未被邀約過富豪飯局，溫碧霞卻自爆不少人向她打主意，她說：「有好多人approach我，我一直都拒絕，唔接受不道德嘅交易。」有指新一代女星易接受富豪飯局，她說：「人人追求嘅唔同，有啲人覺得有錢就開心。」
溫碧霞改電話
溫碧霞又自爆說：「好討厭，成日都有個人打嚟想識我，成日話好多富豪鍾意我，仲開價有幾千萬，咁樣打嚟，係侮辱女性，希望大家有啲尊嚴，唔好接受。」她更謂為此中間人，多次改電話。
採訪：JessicaNgan
攝影：ChenWaiOn