梁思浩噚日喺北角賀好友嘅糖水舖開張，同樣有開糖水舖嘅佢最近搞埋甜品供應密密搵銀，佢仲有感而發話：「肥姐（沈殿霞）生前帶過我探鄭君綿，見佢臨老時要喺菜欄執菜食，令我覺得娛圈幾風光都好，都要計劃之後嘅路。」思浩又話前晚有睇無綫頒獎禮，仲寄語大家今日攞幾多獎都好，個獎唔會陪一世，只係個認同，最緊要建立自己嘅財富。