前晚無綫頒獎禮又發生一段小插曲，事緣無綫邀請了TVB出身的杜琪峯擔任頒獎嘉賓，不過杜Sir一登場即毫不留情面的一輪嘴狂寸舊主，就連見慣大場面的司儀鄭裕玲也招架不住。
猛呻好辛酸
杜Sir先來一句客套開場白：「好耐冇返嚟，唔識路呀！」大會原本預備一分鐘給他演說，杜Sir居然說：「都唔知講乜，因為好多辛酸，都唔知邊頭開始講！」此時現場有人竊笑，杜Sir又說：「笑呀大家？即係好辛酸啦！」轉過頭，杜Sir又轉移目標向嘟姐發難：「鄭小姐，我又唔識演講嘅，不如你問我講啦！」嘟姐啞口無言，欲播得獎片段之際，杜Sir又說：「使唔使咁急呀又？」耍得嘟姐氹氹轉，只無奈說一句：「都唔知你想點！」
撰文：林妃