港府申亞諮詢期結束，民政局噚日公佈民意數據，指支持申亞民意略高過反對，言下之意，似乎傾向去馬，八方卻認為民意分歧，花數以百億元計公帑搞一個有爭議性嘅亞運，唔值得。
民政局整理資料後，發現市民習慣而且幾鍾意喺網上發表意見，有一個網民極度熱心，在是否申亞討論區內，總發表咗1,631則留言，以諮詢期長10個星期計，即係呢個網民平均每日留言20幾則。不過民政局冇透露呢位熱心網民意見是正抑或是反，唔知佢係狂熱撐亞運分子，還是反對到底死硬派。
民政局消息又透露，有位網名「敗家仔」嘅市民，亦十分熱衷留言反申亞，令佢哋都有興趣認識吓呢位「敗家仔」咁話。