向來有不少Fans的Lotus，當與在跑道競賽的落場跑車相比，外形始終較斯文。要擁有落場車外形，又可在馬路行駛，過運輸署似乎有難度！有改車公司卻挑戰難度，將一輛EliseR全車玩一轉，打造比原廠更輕更快、外形與落場車差不多的自家作品TWRDGT3R。
記者：趙慧敏
攝影：梁細權
Model：Hazel@GEM
Hair：Green@Ching
車輛提供：TWAutosport（21420001）
棄用大部份車殼
每次Lotus在街頭出現，無論是否愛車族，視線被它俘虜！不過我們這類凡夫俗子認為已經很好的東西，有人可能認為未算最好，所以才有改車公司諗爆頭為不同車款變身。
眼前這架變種版LotusEliseR，除底盤及引擎，整個車殼都經重新設計及打造，不難發現搶眼的超大尾定風翼外，車形亦較原裝寬大及低矮，十分貼近落場車的形態，負責整項設計的Tony直言：「整個設計概念是要將EliseR改裝成貼近賽車款，可作落場之餘，亦適合在路面行駛的兩用車，由於以出得街為原則，故懸掛系統須適用於路面，亦不能將車身Low得太低。」由構思到成形，過程絕不簡單，因棄用大部份車殼，要經重新設計，做模及裝嵌，花了18個月！經改造後，「新車」名為TWRDGT3R，身價達$120萬元，包括原來二手車及改裝費用！
車身減輕40kg
新車的外形包括強化兩邊外拋的輪拱、重新設計車頭、棄用原有四盞頭燈中的兩盞及加大入風位等；車尾則有另一焦點，除超大尾定風翼外，尾燈燈組重新設計，新增一組碳纖尾燈罩，令尾燈更添立體感。
既然以賽車化為目標，車身輕量化似乎是指定動作，當中的頭尾擾流、裙腳、包圍、尾定風翼、側鏡及尾燈燈罩等，都用纖維及碳纖物料，務求偷輕車身！內櫳的前台、車門門壁、波混頭、門邊腳踏及儀錶板等都經碳纖化。
今次的改造工程，細心至排氣喉亦照顧周到，換來一組只重2.5kg的TWRD鈦金屬排氣喉及尾鼓，令排氣聲更沉實有力，經一系列工程後，全車減磅40kg，令車重只得880kg！無論起步及加速更爽快，0-100km/h提升至4.9秒，雖然現在只有220匹，但Tony有意將它送到美國更換引擎，到時可提升至350匹，但是否可出牌，就要由運輸署定奪！
TWAutosport測試結果
07年LotusEliseR
車重：920kg
0至100km/h：5.8秒
TWRDGT3R
車重：880kg
0至100km/h：4.9秒