35歲嘅艾華遜（AI、圖）今季轉戰土耳其聯賽嘅比錫達斯，之不過佢嘅一舉一動依然矚目，近日有傳球迷不滿AI喺比賽表現差，場均只得12.3分，搞到佢好唔開心想「走人」，結束喺土耳其嘅一個月之旅。之但係艾華遜上周六喺twitter話呢啲根本係廢話，佢好enjoy喺土耳其打波，肯定唔走喎！究竟係真係假，只有綽號「答案」嘅艾華遜先知啦！