陳冠希（Edison）昨日在鑽石山出席「亞洲遊戲展2010」揭幕禮，並首播他為該活動唱的主題曲《Maninthemirror》MV。他表示最近都以老闆身份現身，如以歌手身份出席活動感到有點害羞。何時才以演員身份跟大家見面？Edison嘆氣說：「哎！我都想知，一直都好鍾意拍戲，等緊一個好機會，希望2011年可以拍番戲，戲院可以放映陳冠希嘅戲，我想拍出面嘅戲，拍寰亞電影好唔自然，想有人覺得我好。」
Edison坦言擔心別人對他反感，他說：「冇人搵咪唔拍囉，擔心咗好耐，我會加強自己演技，想表現自己能力，之前有人搵過我拍一部戲，講我有10幾個女朋友，但呢類角色我已經做過，我想拍有多啲挑戰嘅。」問他會否介意再和張栢芝或阿嬌鍾欣桐合作？他說：「唔抗拒，唔係好朋友至可以拍好部戲，如果好似有部《無間道》咁好嘅戲，我冇所謂。」
GaGa歌酬每日飆升
提到斟洽美國天后LadyGaGa來亞洲巡迴演唱，據聞GaGa歌酬達一億港元，Edison說：「每日個價都上升，上年同今年比都升咗兩、三倍，初步同佢經理人傾，乜都未定，連錢都未傾。上次LadyGaGa去澳門開演唱會，都係我班朋友照顧佢哋，玩得好開心，所以講過下次嚟亞洲搵番我哋。」他盛讚這位天后對人友善，尊重歌迷。
採訪：魯萍
攝影：陳慧安